▲兩人依家已經去咗日本旅行。

37歲「生煎包王」蕭潤邦（Oscar）在Instagram宣布向女友江若琳（Elanne）求婚成功，今日正日生日的Oscar昨晚才慶祝完，今日兩人就已飛到日本旅行，兩人透過電話表示求婚是在去年12月尾時發生的，Oscar透露求婚經過：「約埋好多朋友，一啲出道以來對佢好有代表性嘅朋友突然出嚟，佢嗰陣已經失控喊晒，好似失戀咁，好激動，之後我就唱番首歌，其實件事都好順利，我都籌備咗個幾兩個月。」但他自爆Elanne其實可能早已識穿驚喜：「其實我喺電話開咗個group，但個group成日彈出嚟，喺中間成日畀佢發覺，可能佢都有秘密瞞住我，就係可能佢一早已發現，但詐唔知，但總算順利，希望令佢難忘，最緊要佢個感受。」他亦透露戒指有兩卡，但幾多錢就不講，最緊要Elanne喜歡。

▲求婚戒有兩卡，好閃呀！

否認有B

旁邊的Elanne亦冧爆表示：「我哋識咗10年，好了解大家，呢段時間大家一齊，雖然好肉麻，但佢嘅愛好偉大，呢個男人可以付託終生。（求婚嗰陣佢有冇咩愛的承諾？）佢講之前10年一直陪唔到我，但未來唔會再陪唔到我，會陪我行好多路，所以就感動咗，我喊到好似失戀咁。」問到拍拖未夠一年已經結婚，是否因為有了BB？Oscar否認：「未有，我哋係有計劃地去做，梗係結婚先，之後先睇吓有冇機會有細路仔，結婚有好多嘢要處理，我嘅能力未必可以同一時間處理兩樣嘢，所以都係結婚先。」他亦表示希望今年12月舉行婚禮：「係我哋目標，雖然好似遲咗一步，但希望努力啲搵個舒服地方畀朋友、家人聚一聚。」

▲Elanne失控喊晒，好似失戀咁好激動呀。

▲好sweet呀！

▲睇吓Elanne幾冧！

▲唔知Elanne許咗咩願呢？！

▲有晒最重要嘅人喺度見證！

▲再次恭喜佢哋呀！

来源: on.cc

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤