四張嘢闖娛圈！薛世恒搵前妻法拉合作唔尷尬

薛世恒最近勇闖娛圈，佢就話唔介意同前妻陳法拉合作。

正所謂有心唔怕遲，Neway太子兼陳法拉前夫薛世恒（Daniel）今年膽粗粗入行，成為娛樂圈新人。圈中朋友多多的他坦言一直對娛樂圈感興趣，大學時代已開始跟朋友夾Band，表演欲旺盛：「我以前諗過去音樂學校讀書，我係打鼓，要練習好耐，後來發覺每日練三、四個鐘，但係都仲未去到個水平，所以就放棄咗呢個念頭。之後由玩音樂變咗攝影，我想搵個媒體表達自己，如果唔做藝人，我會去唔同地方影相做攝影師。」問到認為自己有甚麼條件適合做藝人？他笑說：「我可唔可以話係外形？哈哈！我想演戲，人生經歷有番咁上下，想將內心攞出嚟。」

撞彩踏出第一步

Daniel表示一直以來有不少人建議他入行，他亦心癢癢：「後來咁啱有朋友開公司需要新演員，我話可以試吓，最後簽咗一間北京公司，我算係公司嘅首批演員。依家開始學演戲、詠春、普通話等，差唔多有一半時間都要返北京。嚟緊會有電影、電視嘅工作。」問到最想與哪位藝人合作？他首選相熟的好友，例如袁偉豪、黃長興及陳敏之等，至於前妻陳法拉，他亦不介意合作，並大讚：「佢係一個好專業同資深嘅演員，可以合作好開心，而且我哋都係朋友。」

最怕感覺玩玩吓

年屆四字頭才做新人，Daniel抱着有進無退的心態闖娛圈，揚言：「冇得退！（你好勇？）我性格係咁，會諗將來好多可能性。（怕唔怕畀人覺得你玩玩吓？）都怕人咁諗，我會加倍努力，否則會畀人覺得我係玩，因為我唔係靠呢行食飯，咁我出咗嚟做嘢10幾年，都有積蓄，唔係手停口停，但我入行真係好認真，希望大家見到。」Daniel坦言很遲才通知家人入行這個決定，問到他們的反應？他說：「佢哋好理解，只係擔心我有冇好好照顧自己身體，同埋我係咪真係鍾意。（家人咁低調，會唔會唔想你做藝人？）我咁大個人，覺得各樣嘢已經交晒功課，我能夠養活自己，又冇學壞、冇壞習慣，我只差未成家立室。（有冇其他人潑你冷水﹖）朋友都好關心我，只係話『你小心畀人呃』，但我可以畀人呃啲乜？」

Like 玩嘢兄弟团 Facebook！带大家玩翻全马high翻天～请点我❤

Like Rojaklah Facebook！不出门也能知天下事》请点我

来源：oncc