➨2017張韶涵《纯粹·REMIX》世界巡回演唱會1118就在大马！点我购票❤

➨2017《周汤豪 NICKTHEREAL 帥到分手》大马巡演派对就在1202！点我购票❤

大台劇《使徒行者2》上星期大結局，結局如何就見仁見智啦，不過女主角黃翠如的演技就由開播到結局都成為焦點，日前某FB專頁就狠批翠如演技浮誇造作，瘋狂恥笑佢幾場喊戲！「天堂哥」袁偉豪睇唔過眼，喺社交網站發文維護好拍檔，力撐翠如係一位好用心的演員，仲寸爆對方話呃like方法有好多種，「如果你冇飯開，我可以請你吃一個飯盒」戲內戲外都保護住翠如BB，Man爆呀！

袁偉豪 翠如BB擦出火花

《使徒行者2》中，袁偉豪飾演的「徐天堂」與翠如BB飾演的「鄭淑梅」同為苗僑偉手下的臥底，兩人有唔少對手戲，經常鬧出唔少笑話，深受觀眾喜愛。雖然劇中翠如BB情傾周柏豪，不過袁偉豪永遠在翠如身邊，事事照顧有加，暖男天堂哥好波！

翠如變SM女王 胸襲袁偉豪雞排胸

早前一場戲中，翠如被人喺飲品中落藥，迷迷糊糊發花癲，竟然化身SM女王！翠如先係自己除衫唱歌，然後逼袁偉豪除衫又衫褲，袁偉豪大騷fit爆肌肉之餘，雞排胸亦難逃對方魔爪！

翠如演技被恥笑

雖然翠如BB一向無咩觀眾緣，但唔少人撐佢喺《使徒行者2》有進步，連「三哥」苗僑偉都公開讚佢！不過近日有FB專頁唔放過佢，狠批佢喺第29集中的三場喊戲，恥笑佢浮誇又造作！大家又點睇呢？

▲翠如知道周柏豪已死後爆喊。

▲跟住係得知柏豪竟然係被袁偉豪所殺，傷心到崩潰。

▲最後係翠如決定原諒袁偉豪，但傷心得來又掙扎，難以釋懷的痛哭。

該專頁仲借用劇中袁偉豪一段激動喊戲抽水，話袁偉豪係因為頂唔順翠如的浮誇演技，拍劇拍到好辛苦，所以要用玻璃樽打爆張枱洩忿！雖然外人睇就好似幾好笑，不過天堂哥就唔多高興啦！

袁偉豪霸氣護翠如

袁偉豪日前喺社交網站上載一張同翠如BB的合照，原來係為好拍檔發聲，向該個批評翠如演技的專頁反擊！「黃翠如小姐是一位很用心的演員，本人跟她一起演戲很能夠投入而且一點也不覺得辛苦！即使閣下不懂得欣賞，也請不要作這樣的評論來傷害別人，不要製造這機會來鼓吹大眾一起去攻擊她。」

文中亦加了唔少hashtag，言詞中都感到佢怒火，袁偉豪仲話呃like方法有好多，寸爆稱「如果你冇飯開，我可以請你吃一個飯盒」同時話自己演得好快樂。網民見到紛紛激讚，話佢喺現實中，一樣好似天堂哥咁永遠保護正妹！

来源: 东方新地

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～》请点我！