近日誕生的2017香港小姐冠軍5號雷莊兒（Juliette），惹起網友的不滿，紛紛留言狂轟！而近日有網民竟發現她出現在香港尖沙咀，但樣貌竟然普通得連路人都認不得！！！

據香港蘋果日報報導如下：

以往睇港姐，真係算年度盛事，不過近年啲佳麗（及其他）質素每況愈下，所以……之不過咁，話晒一年一度，話題性十足，就好似「十優港姐」麥明詩咁，當時（前年）佢仲有位大律師男友林作，而舊年嘅冠軍馮盈盈喺參選時被爆曾喺facebook連環爆粗，故被稱為「粗口港姐」，不過之後仲有拍話佢為患病嘅細佬讀營養學，真係非常之咁感動！

而今年港姐冠軍由5號雷莊兒（Juliette）就真係唔慌唔「話題性十足」，事關第二日網民一面倒批評呢位冠軍，仲話憑「校長」鄭裕玲決定最後一票感覺兒戲之外，仲有人大彈Juliette外貌，又有網民整埋惡搞片段將佢嘅口放大好幾倍，而Juliette對大家對佢外貌嘅批評唔係好介意，仲話唔覺得自己外貌有問題，而佢嘅牙醫男友亦唔覺得佢需要做牙齒矯形手術，不過依然平息唔到惡評，反而仲有話佢態度囂張！

其實自信亦都係一種魅力，而Juliette對於網評惡評我行我素，堅持己見，唔願意委曲求存，真係夠晒EQ。點都好Juliette一夜成名，做埋公眾人物，自然吸引大家好奇嘅目光！

噚日有《蘋果》讀者KT，佢透過「爆相爆片」喺尖沙嘴直擊Juliette嘅風采！讀者KT話：「嗰陣我啱啱喺通利琴行行過，見到一個女仔好熟口面，個樣好面善，睇真啲原來係今屆港姐冠軍，佢由側邊嘅小巷行咗去厚福街，跟住上咗去H8。我睇見到嚇咗跳，佢個樣好似好肚餓，邊行邊搵餐廳！」而讀者提供嘅相中可見，Juliette雙目無神仲有啲疲態，似乎真係好肚餓咁！睇番資料，Juliette噚日着住一件藍色嘅露膊衫喺早前出席港姐活動時都着過呢件衫，不過噚日就冇set頭、化妝亦稍有不同，而讀者仲話似乎街坊們都唔係好認得呢位港姐冠軍：「得我認得佢咋，因爲真係冇人望，所以似乎佢自己都知未有人認得，好真性情咁周圍走！」

來源：蘋果日報

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～～》请点我！