無綫熱播嘅劇集《踩過界》最近大受好評，唔少劇迷星期六、日都坐定喺電視機前面等睇！而今個星期就會播出第一季嘅第13同14集，之後就會進入第二季嘅劇情。而第二季嘅全部14集已經喺內地網站有得睇喇！

第二季劇情主要係講王浩信同朱千雪嘅情緣，但朱千雪就畀飾演佢爸爸嘅單立文極力阻止，唔畀佢同王浩信一齊，朱千雪無奈之下就離開香港仲打算同翟威廉結婚。但結婚前朱千雪就覺得自己忘記唔到王浩信，選擇逃婚返香港搵王浩信仲勸佢做手術等佢重見光明。以為一切都好如意嘅時候，王浩信拆開眼嘅紗布嗰日，朱千雪就畀人殺死咗！

王浩信當時就以為張振朗係殺人兇手，而李佳芯就覺得事實唔係咁，所以決定為張振朗做辯護律師。李佳芯仲查到證據證明張振朗係無辜，但同時畀真正嘅殺人兇手單立文發現，單立文知道即刻殺人滅口，將李佳芯推落懸崖。後尾王浩信都發現到呢個證據，仲成功用計將單立文送入獄。雖然惡人有惡報…但相信朱千雪死咗呢個結局，都冇人會覺得呢一個係一個Happy ending！

但留意番，內地網站嘅版本係有經過刪剪，所以喺無綫播嗰個版本先係最原汁原味嘅！對於大結局劇情被披露，問到會否怕繼續影響於無綫播放的收視時，監製林志華接受東網獨家訪問時謂：「結局知道了，但睇劇集享受過程才是重要！呢套劇絕對值得大家細心欣賞，慢慢享受！此劇的口碑好，冇失禮港劇，希望努力為此劇付出的人得到應有回報！」

▲張振朗（左）就畀單立文引咗出去！

▲仲要殺人滅口…

▲點知就誤殺咗朱千雪…

▲王浩信趕到已經太遲…

▲就諗番同朱千雪以前嘅嘢。

▲呢個畫面都幾催淚…

▲Sad ending…

▲王浩信爆喊！

▲朱千雪

来源: on.cc

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～～》请点我！