27歲的劉佩玥（Moon）港姐出身，入行短短數年已緋聞不絕，雖然她一直表示自己是單身，但最近卻被發現與已故保釣人士陳毓祥兒子兼ViuTV主持陳安立（Brian）過從甚密，硬撬黃心美的緋聞男友！日前Moon還出車又出錢，與Brian拍拖往撐枱腳兼睇戲。

當街打情罵俏

當日Moon驅車往西環接載Brian後，兩人往附近餐廳撐枱腳，穿上露腰上衣兼晒長腿的Moon，邊食邊與男方傾不停，又不時甜甜笑，逗留約一小時後兩人步出，沿途往取車時她還主動拉着Brian玩自拍，打得火熱的兩人多次頭貼頭咬耳仔及睇相，極為親暱，心花怒放的Moon又不時被冧到含春姣笑，風騷的她就算引來途人目光亦懶得理，繼續與Brian當街打情罵俏談談情。當Brian講電話時，Moon則化身跟得女友，更不介意於烈日下暴曬，於一旁耐心等候，兩人及後驅車到數碼港睇戲，Moon泊車時多次拍不到咪錶，Brian即出手相助。而於等入場時兩人又往買爆谷，負責付款的Moon期間多次與男方於角落卿卿我我，表現冧爆。

管接管送

全程做柴可夫的Moon散場後又接載Brian往旺角球場打波，放下男友後她於附近商場行街，未幾會合翟威廉晚膳，之後她又上了翟威廉的寓所。至於Brian打波後，便與羅天宇等人往醫肚。

▲Moon個樣開心到呢。

▲好好傾咁。

▲行得好埋。

▲真係好埋！

▲大隻佬側面跑步，都冇眼睇。

▲拍拖仔，曬太陽都冇計！

▲拍咪錶，但唔好順利。

▲撐枱腳。

▲Moon個樣冧到！

▲之後去睇戲。

▲進擊的長腿！

来源: on.cc

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～～》请点我！