▲黃宗澤同日模女友再合體拍廣告搵錢。

【on.cc東網專訊】 型男黃宗澤（Bosco）於去年（2016年）與日模女友Jun因拍攝健康食品廣告而撻着，他們近一年來的戀情依然Keep得住，月前更再度合體拍攝新一輯廣告。由於他們都非常忙碌，今次趁工作在港短聚3天，寓工作於拍拖，總算一解相思之苦！

問到留港期間可有慶祝聖誕及新年？Bosco大呻謂：「冇啦！拍完第二朝就走喇！我去橫店拍劇，佢都好忙。（咁少見點維繫感情？）冇辦法啦！我拍劇已經排到11月，遲啲要返嚟開《溏心風暴3》。」至於在日本發展的Jun則在Instagram上載到廟宇求籤的照片，籤文內容指：「如果你對神明忠誠，就會得到神明照料與庇佑，心誠即靈，萬事會如煦日初升般順利，心情暢快。」

嚴格控制飲食

雖然Bosco只能與女友短聚3天，但見到他神采飛揚，原來他為廣告操Fit，更谷爆胸肌！他坦言要長期Keep住40吋胸絕不容易，除做運動外，飲食方面亦要下苦功：「只食白肉，唔食油，夜晚唔食澱粉質。（驚唔驚患厭食症？）唔會，只係唔食肥膩，我唔會畀自己重過150磅！其實身邊朋友見到我都覺得我好瘦，都好擔心，依家見到我個Body應該放心啦！」操到咁行唔通想喺女友面前攞分？

▲黃宗澤練到勁大隻，你睇佢個40吋胸肌，真係煞食到呢！

▲加埋個麒麟臀，邊有得輸呀

▲黃宗澤話要Keep住40吋胸肌一啲都唔容易，佢除咗要做運動外，飲食方面亦要下苦功。

▲黃宗澤與日模女友（資料圖片）

来源: on.cc

Like Rojaklah Facebook！不出门也能知天下事～～