【on.cc東網專訊】 無綫花旦林夏薇自從下嫁金融才俊莫贊生（Jason）後，在飲食業大展拳腳，又要拍劇又要做生意，認真忙到爆！不過話時話，當年夏薇喺山頂豪宅秘嫁Jason，保密工夫做到足，連婚紗相都冇影到！話晒結婚係一生人一次，而影婚紗相又係女仔嘅夢想，所以夏薇最近就同老公去咗陽光與海灘嘅馬爾代夫拍婚照。

人靚景靚就一定啦，不過最最最特別係林夏薇件婚紗，全套以貼身透視喱士設計，將夏薇S型曲線表露無遺，極度誘人！而夏薇仲配上超勁長頭紗，當海風一吹頭紗飛起，而Jason就攬住老婆嘅纖腰，畫面幸福又唯美。

但原來呢啲大師級嘅作品唔係由攝影師操刀㗎，夏薇喺微博透露：「婚紗照都自拍！好cool喔」嘩！原來係自拍嘅，咁搞法，婚紗攝影師好難撈喎。

▼林夏薇去咗馬爾代夫拍婚照。

▼畫面超唯美。

▼睇嚟林夏薇今次化妝Set頭都係自己搞掂，簡簡單單冇多餘頭飾，簡約得嚟又幾靚。

▼S型曲線+長腿

▼應該係老公操刀影喇啩。

▼呢張唔通係用腳架？不過Jason得一張入鏡好珍貴呀。

▼大近鏡！

▼呢件婚紗好輕便，喺樓梯拍攝都冇有怕。

▼靚人靚影！好正呀！

来源: on.cc

Like Rojaklah Facebook！不出门也能知天下事～～