系呢几年里
TVB嘅剧集成日就比人话系胶剧
制作马虎又冇咩创意
睇左开头就知道结尾
仲要鬼死咁容易穿崩

虽然有人话2016年系TVB难得有几好剧
但系再好嘅剧依然都逃离唔到TVB制作hea到爆嘅惯例
宜家就由小编同大家回顾翻
2016最令人难以相信离晒5线铺嘅剧情！

《火线下的江湖大佬》
香香公主舞狮舞出宇宙

《火线下的江湖大佬》口碑尚算唔错
除左有一班好戏嘅老戏骨撑住之外
仲发现到香香拥有飞天嘅技术

剧情就话岑丽香同舞狮队队员去参加比赛
期间宽心使出苦练多时嘅绝技「宇宙飞星」
佢同陈山聪冇助跑只系轻轻一跳就飞出宇宙
佢的由一边飞到另一边

最后仲赢埋比赛
咁违反物理学嘅一幕
真系睇到个个都O晒嘴呀

俾TVB咁搞发
我真系唔知道仲发展神州5号嚟做乜鬼

叫杨利伟去学舞狮好过啦

《城寨英雄》

狂揼胡定欣心口

成为全城热话嘅《城寨英雄》收视理想兼赢尽口碑
但系唔代表套剧冇胶位

喺第7集当林颖彤惨被轮姦至死
胡定欣爆seed大开杀戒后突然休克
袁伟豪及陈展鹏就使出「土法心肺复甦」疯狂佢心口

点知又真系俾佢揼返醒
唔少观众真系睇到眼都凸埋
睇嚟好有必要去佛山搵下黄师傅D后人学翻D功夫
学完之后医院都唔洗区去啦
有乜事打两拳米算咯

《来自喵喵星的你》
猫都识one night stand

由《鬼同你OT》原班人马班底嘅台庆剧《来自喵喵星的你》
口碑同收视都不似如期
胶位仲多到数唔晒

其中一个就系当田蕊妮同赵永洪仲喺猫嘅时候
佢哋试过喺垃圾站到一夜情

猫都识一夜情
我宜家相信D猩猩是嫖妓系真嘅！

《铁马战车》
唐诗咏超强记忆

年头嘅《铁马战车》本来收视同口碑都不俗
但系慢慢剧情变得越嚟越胶

好似唐诗咏喺剧中饰演有「记忆女王」之称嘅交通警员姚瑶
拥有记忆宫殿、天眼同读唇嘅技能

佢试过喺法庭回忆返曾经同佢擦身而过嘅罪犯
被辩方律师质疑嘅时候
佢仲回想起4年前已经见过佢
兼仲记得佢手中档案嘅编号

另外，佢亦试过同袁伟豪同蔡思贝一齐案件重演
佢居然夸张到连车上搵到嘅牙籤上嘅酒楼名称
胶袋上面写咩同有啲咩
电话上嘅通话纪录
佢都一一记得

有网民就笑话佢有咁劲嘅技能
佢应该加入神奇四侠

等小编嗱嗱声过去问下佢攞个霹雳火签名先

《殭》
不死人被殭尸输血后变凡人

远赴荷兰实景拍摄嘅《殭》
除左有假到爆嘅CG特技之外
再加上胶位多、喺网民眼中已经成为左
「神级胶剧」

其中一个胶位就系谢安琪决定要去消灭陈山聪
点知郑嘉颖出嚟帮手嘅时候唔小心从高处堕下
被铁枝插穿身体，身受重伤

谢安琪为左救佢
佢就将自己嘅殭尸血滴落刑活着个伤口度
最后佢醒返，但系已经失去不死人嘅法力
其实刑活着明明系识得伤口自动癒合架喎
点解今次唔得呢？

原来换种血就可以从不死人变平凡人
我都嗱嗱声搵只蜘蛛滴下D血
话唔定听日我即刻变咗蜘蛛侠呢

希望系呢个时候TVB好好反省下啦
再系咁hea好快D观众就走晒佬去睇Viu TV咖啦！

-End-

来源：chuansong

Like Rojaklah Facebook！不出门也能知天下事～～