黃宗澤（Bosco）及劉佩玥（Moon）於今日首播的無綫劇集《幕後玩家》中上演激咀戲份，咀得肉緊的二人更咀足７秒！只見於劇中有家室兼有女兒的Bosco於車上打電話唱歌哄女兒睡覺後，即由「慈父」變「玩家」直接去搵情婦劉佩玥。而Moon僅以單薄睡衣應門，更性感晒出事業線向Bosco獻上香吻。其後劇集更預告二人於床上纏綿，由Moon騎坐Bosco身上，而Bosco則於擁抱對方時雙手放在Moon的Pat Pat上，認真香艷！

▼劉佩玥着住性感睡衣。

▼一嚟就咀。

▼嘩！嘩！嘩！

▼下集仲摸pat pat。

▼錫到轉圈。

▼成個人坐埋上去。

▼下集仲摸pat pat。

晒線冇僭建

Moon其後接受《東網》訪問，她透露拍攝前緊張到胃痛，她又感謝Bosco帶自己入戲，更自認幸運能遇上對方這位好對手，Moon說：「拍親熱戲對我係好困難嘅事，拍攝前我緊張到胃痛。但我好幸運有Bosco呢個好對手，同我講好晒隻手擺喺邊，令我心理上舒服。（拍攝時有冇尷尬？）冇，因為佢好帶到我入戲，令我如有神助！」談到Moon於首集即晒線示人，她笑言自己冇加工僭建：「我又冇要刻意性感，冇特登做啲咩，因為件戲服好薄。主要係想反映番個角色返工一個樣，收工又另一個樣。」

唔怕被角色定型

問到Moon是否想挑戰扮演「小三」扮到上晒位的李佳芯？她說：「冇人會代替到其他演員，以前我形象係好乖同好斯文，但之前在《實習天使》同馮允謙拍過激情戲都冇人鬧過我，所以觀眾知咩係真，我唔擔心被標誌成『小三』。（介意被定型為小三？）唔係，只係我希望形象上百變，百變係最好！冇人會來想睇我一直演乖女而冇轉變！我相信角色會為大家帶來驚喜。」

来源：东网

Like Rojaklah Facebook！不出门也能知天下事～～