林文龍、宣萱、王浩信、唐詩詠等拍大台新劇《不懂撒嬌的女人》，下午四點幾，就撞到王浩信、唐詩詠喺銅鑼灣百德新街街尾開工，場口講王浩信同唐詩詠吵大鑊，兩個表情都好唔開心，唐詩詠一怒之下就走咗去，王浩信則淚如雨下，喊得好淒涼。

有一幕講唐詩詠同王浩信嘈交，王浩信都幾勁，同唐詩詠吵，再睇睇手機即喊到出，眼淚仲好大滴，滴到下巴位置，全程一take過，一個shot只係兩take，導演就收貨，而王浩信最厲害係兩take都係爆喊出來，拍戲位置都幾近馬路，吸引唔少巴士乘客望多幾眼，拍近鏡時，王浩信要擘大個髀，遷就唐詩詠嘅高度。

不過今日天氣比較熱，唐詩詠身穿長袖中褸嘅戲服，未使埋位時，佢熱到要拉低件外套，露出膊頭，打出小背心，見唐詩詠雙「峰」凸出，上圍逼爆，相當有睇頭，話晒唐詩詠平時拍劇以密實乖乖女形象示人居多，除咗台慶及出騷，甚少見唐詩詠晒胸!

唐詩詠見在場記者影相都幾nice，向記者揮揮手打招呼，由於氣溫都算熱，化妝及服裝師見唐詩詠未埋位，即幫佢抹汗，此外，由亞視又過檔去大台嘅袁文傑企咗喺劇組附近，睇嚟係等埋位。

Like Rojaklah Facebook！不出门也能知天下事～～❤

来源：苹果日报