林峰同期藝員，有「翻版霆鋒」之稱，入行17年竟然仲做緊「配角

近段時間小編夜晚睇TVB睇到好混亂皆因兩出劇除咗都有祥仔之外仲有其他相同演員▼

《巨輪Ⅱ》

《為食神探》明明幾分鐘前楊明同張美妮都冇乜咩交集噶嘛幾分鐘後個女就同個男講愛到要生要死睇到小編打曬凸

有網友仲笑話：楊明同張美妮只不過係8:30去羅信記做下part-time9:30落班再翻香港開素食店做老板wor！

可以可以！明仔咁型，一晚睇多D都無妨

睇上去仲成個仔咁嘅楊明其實今年已經35歲早係1999年就參加咗第13期無線電視藝員訓練班後加入無線電視

驟眼望，明仔個樣係班裡面已經算得上數一數二啱出道嘅佢受公司力捧機會不停，關注不斷其中係2000年曾獲公司派往英國愛丁堡參加第三屆世界先生選舉，可惜並冇獲獎到咗01年係劇集《娛樂反斗星》出演「雷霆」一角係明仔較為出色嘅一個角色

佢同康華所扮演嘅角色分別係度影射謝霆鋒同王菲，宜家睇翻D劇照，明仔又真係成個「翻版霆鋒」咁wor！肯定好多人有疑惑啦既然受到力捧咁點解宜家同同期出道嘅林峰、楊怡係圈中嘅地位相差咁遠？！之唔係因為後生細仔，仲未定性咯！

細個唔識霖，日玩夜玩朝早唔夠訓就覺得周身唔聚財成日唔翻工，又唔提早請假搞到成team人開唔工，翻公司浪費咗一日

據聞，啱出道果陣明仔同「索腿天後」陳敏之撻著過但可能係男方愛蒲性格難改戀情維持唔耐，最終都以分手收場再加上後生仔做嘢成日唔經大腦係05至07年期間因醉駕、刑事毀壞等多次惹上官非嘅佢好快就被公司投閒置散

明仔表示：07年以後，連續三年一唔係冇工開一有工開，無論古裝民初定現代就一定係做二世祖、敗家仔等「撲街仔」角色搞到好想放棄、好想轉行

咁其實又唔好霖霖咁灰~只要明仔你肯痛改前非嘅公司都會畀機會你嘅如果唔係又點會安排你讀多次藝員訓練班等你成為史上重讀訓練班嘅第一人

10年，明仔靠出演處境喜劇《天天天晴》重新企翻起身11年，更係憑劇集《誰家灶頭無煙火》人氣再度升溫並獲得萬千星輝頒獎典禮「男飛躍」嘅提名但其實係拍劇嘅過程中明仔嘅媽咪一度病重令明仔一夜之間好似大個咗咁下決心要擔起頭家，唔畀爹的媽咪再捱！

變得生性嘅明仔係12年仲宣布要同拍拖三年嘅圈外女友Joanna結婚但可惜一對准新人係籌備婚禮期間吵大鑊令到戀情告吹

14年，明仔係《單戀雙城》、《守業者》均有亮眼嘅表現同年仲加入埋《愛·回家》劇組係劇中飾演表面上係個正人君子實為奸險小人嘅「任我行」介入男主角馬壯及女主角Alex嘅戀情，亦出賣親兄係依部處境劇嘅大反派但依然吸引到唔少觀眾嘅關注！

15年，明仔係《收規華》中擔任第二男主角 沈一然該角係佢再被力捧後戲份最重嘅角色

同年仲出演咗《張保仔》、《梟雄》兩部台慶劇

今年，明仔係《火線下的江湖大佬》裡面飾演「廖守基」一角佢並冇係一眾前輩嘅光芒下顯得黯淡無光反而憑借鮮明嘅人物性格同扎實嘅演技獲得觀眾嘅喜愛（小編睇到嘅係一個「古惑仔」到「警察」嘅變化）

除咗宜家熱播緊嘅《巨輪Ⅱ》之外明仔仲拍緊新劇《心理追凶》准備同觀眾見面但早前拍攝期間明仔意外受傷，傷勢深可見骨

比著以前唔識霖嘅明仔肯定會直接放棄該劇集嘅拍攝好好養傷而宜家大個仔嘅佢則表示：希望盡快可以復工，唔好影響劇組太多

傷病期間仲有好女友莊思明嘅悉心照顧所以已經康復重返劇組啦~

大家話係咪好型先~明仔用自身嘅成長歷程，話畀大家知：做人行咗錯，唔可怕最怕係你唔去反省，唔肯改過自身雖然明仔宜家仲未有能力做到「第一男主角」不過對比舊時已經係一個好大嘅進步假以時日，必定可以再創一番佳績！

来源：coco01