唐詩詠:【我所知的兩三事】唐詩詠五大秘史 __,唐詩詠,

《有一種女朋友叫唐詩詠》就聽得多，不如睇嚇詩詠BB是怎樣煉成的

早前就已經有篇潮文《有一種女朋友叫唐詩詠》歌頌34歲嘅唐詩詠對愛情長情又專一，成個Package唔止好得，仲係好好好好好得！所以呢，詩詠BB有幾好就唔使再多講，不如講嚇BB佢啲鮮為人知嘅嘢

入行13年成績平淡

大家又記唔記得詩詠係點入行？其實佢本身係Model嚟，之後喺2003年入無線，佢第一部拍嘅劇就係《當四葉草碰上劍尖時》，最Pure最True就係嗰個時期喇！入行成13年，做親嘅都係配角，喺3年前《神探高倫布》先升呢做女一，但又好似唔係太上位咁！

如果要講最出位一次，就係《鐵馬尋橋》中做（阿雁）一角，不過喺無線頒獎典禮中，頂多為佢帶嚟「飛躍進步女藝員獎」！佢仲試過多次獲提名「最佳女配角」，但始終都係未攞到，真係有啲戥佢可惜咁囉！

最強「姦」角

詩詠BB喺2010年時拍攝《鐵馬尋橋》踏上這被姦路途，從此之後就返唔到轉頭！喺2013年《神探高倫布》再被「女女女」！但正所謂「無三不成幾」，第三次被姦（唔知仲會唔會有下次…）就喺上年嘅《梟雄》！嗚…雖然佢係做得好好，但好想幫詩詠嗌句：「唔好呀！」

感情生活簡單

雖然唐詩詠同過唔少人好似黃嘉樂、吳浩康、黃宗澤等傳出緋聞，但最多人認知嘅其實只有三段愛情故事，主角分別係余文樂、崔建邦同洪永城，最經典嘅當然係邦邦當年男方就算有幾多負面新聞，女方都依然不離不棄，詩詠因此仲獲封為「絕世好女友」，愛情路真係有幾簡單得幾簡單，咁好嘅女仔，真係去邊搵？

男女間純友誼

男女之間有冇純友情？呢個「議題」真係難答過揀馬國明定洪永城！而詩詠就話畀你聽，係有嘅（應該係…除非唔係）佢最出名最Friend嘅男性朋友就係男神馬國明（馬明），佢哋就話只係「兄妹」！但早前佢哋仲一齊去Camping（拍節目啫）仲鬼死夾又冤氣，如果小編係洪永城就真係冇眼睇喇！

但靚女性格好就自然多朋友，特別係男性㗎好似鄭嘉穎咁，詩詠入行冇耐就同嘉穎拍《Yummy Yummy》，跟住之後都有合作仲成為好友！所以話呢，男仔朋友都可以係閨蜜嘅！

1/4異國血統

原來詩詠BB婆婆係印尼人，所以佢有1/4印尼血統，都可以話係混血兒嚟㗎！佢曾經都講過細個係講印尼話同福州話，所以大個咗講嘢有懶音，要搵朋友教嚇！大家可以留意嚇依家詩詠講嘢有冇唔正，或者聽番之前佢嘅發音喇！

唐詩詠（英文名：Natalie Tong，1981年5月3日－）是香港女性電視演員，於2003年加入香港無線電視（TVB），成為電視劇演員，現為無線電視女演員，被外界稱為無線女筍盤，因清純女神形象健康不靠別人上位。

此外，唐詩詠亦甚具生意頭腦，她在2014年10月26日至11月1日「PMQ Halloween Gourmet Market 元創方萬聖節美食市集」引入台灣馳名的洪瑞珍三文治，在台灣原價一件大約6元港幣的三文治，她以40元港幣出售，據知半日已售出1,600件。現任男友為無線當家小生洪永城

资料来源: Cocomy