吳啟華、滕麗名、曹永廉、蔡思貝、李施嬅和黎諾懿主演嘅無綫劇《純熟意外》於剛過去嘅星期一首播，反應相當熱烈，已成為網民茶餘飯後嘅話題。有一段頗長時間冇喺無綫劇露面嘅吳啟華，過往演出嘅劇都有穩健收視，今次重返無綫，《純》只播出頭兩集已喺網民心中建立咗男神形象，大部份網民都覺得佢今年有機會攞視帝。

網民讚不絕口

而上年被網民狠批演技差嘅蔡思貝，在《純》中演技特飛猛進，獲網民讚賞：「蔡思貝真係進步咗！」有網民睇咗第一集已讚口不絕：「其實第一集真心不錯，感覺蔡思貝的演技有進步，值得一追的一部劇，希望劇情繼續給力。」更直指蔡思貝半年內已有《鐵馬戰車》、《潮流教主》和《純熟意外》三套擔正女主角嘅劇上咗，無綫可能有意將蔡思貝同吳啟華齊齊推上今年嘅視帝、視后寶座咁話。

黎諾懿化身「認字特警」

另外，有啲心水清嘅網友仲發現劇集名用咗「純熟」，究竟係無綫咁大頭蝦將「純屬」寫成「純熟」，定另有其它意思？為咗解開大家嘅疑惑，黎諾懿化身做「認字特警」，專登拍咗段片解釋「純熟」嘅特別意思。佢表示「純熟意外」是指好熟練嘅意外，係一種一早預知嘅意外。有「認字特警」解說，大家即時清楚晒，唔好再誤會無綫改錯名啦！

網民有話兒
Mxxxeyee ：蔡思貝真係進步咗！
kayxxay7 ：蔡思貝今年甘（咁）多劇，拎硬女飛躍
PO Sxx： 吳啓華，滕麗名，曹永廉，吸引到我看此劇。
Wai Hxxx クガゴ ：其實第一集真心不錯，感覺蔡的演技有進步，值得一追的一部劇～希望劇情繼續給力。

来源：东网