年过三十又未嫁得出既女人越来越多，点解女人会「滞销」？身为单身女，绝对有必要了解市况，以下10种女人男人最怕，如果你或身边朋友属于呢几类，就一定要小心了！

1. 靓过头的女人

无男人想「戴绿帽」，太靓的女人「啱睇唔啱食」，做花瓶係唔错，但身边总会惹来一大堆狂蜂浪蝶，所以都係娶个普通女人安乐啲。

2. 太有学问的女人

女人太聪明，男人风头全部被抢，做男人仲有咩意思？女人就算几醒，都要扮下蠢扮下傻，俾身边的男人威返下。

3. 事业太成功的女人

做「成功女人背后的小男人」并唔风光，面对工作太强的女人，男人变得淼小，绝对会很「无瘾」。所以女人几叻都好，适当时候都要识得表现女性的温柔，做个可爱的女强人。

4. 恶形恶相的女人

这种高高在上、自以为是的女人，往往权力欲、操纵欲比较强，事无大小都管到实，要日日对住隻黑口黑面的「老虎乸」，边个男人会顶得顺？

5. 太神经质的女人

男人最怕女人「一哭二闹三上吊」，随便因为一个女性朋友的Facebook留言或sms都嘈到拆天的女人，留在身边只会家嘈屋闭，不得安宁。

6. 太败家的女人

香港地有金山银矿的人并唔多，无男人想被女人搞到倾家荡产，落得人财两空，除非你本身好有米，否则「洗脚唔抹脚」的习性係时候改改。

7. 太男人婆的女人

虽则现今社会男女平等，不过绝对无男人钟意女人粗口烂舌、粗粗鲁鲁，适当时候都要展现下女人味，着下裙、化下妆扮下靓，男人带出街都有Face啲。

8. 有公主病的女人

这种「港女」要求多多、尖酸乞薄、洗人唔洗本，平日返工服侍老细都未够，返屋企仲要伺候习蛮公主，被人当咕喱、阿四咁舞黎舞去，真係唔癫就假！

9. 有不良嗜好的女人

电视剧都睇唔少，女人烂赌烂饮有雀瘾菸瘾起上黎，比男人更恐怖，就算唔惹来周身债都一定麻烦多多，更加唔荒会照顾屋企，真係娶左都喊三声。

10. 太过依赖的女人

嗲声嗲气乜都要人帮的女人，男人初初可能会好受落，但耐左就唔多耐烦，因为娶左都唔洗止意会做家头细务煮饭洗衫，仲要照顾返佢转头，真係宁愿单身，起马有阿妈帮手执头执尾。

来源：大榴莲